KI AYITI OU VLE POU DEMEN?

KI AYITI OU VLE POU DEMEN?
PIBLIKASYON 1
YON PÒS SE POU MOUN KI MERITE L
Yon jèn pase plizyè ane ap etidye. Li fè estaj, li devlope eksperyans epi li prepare yon bon dosye.
Li aplike pou yon pòs li kalifye pou li.
Men san egzamen, san entèvyou transparan, yon lòt moun jwenn pòs la paske li se fanmi, zanmi oswa patizan yon responsab.
Kisa ki rive apre?
Moun ki te prepare a dekouraje.
Sèvis la pèdi yon moun konpetan.
Enstitisyon an vin pi fèb.
E se tout popilasyon an ki sibi move konsekans yo.
Sa pa nòmal!
Yon moun pa dwe jwenn yon pòs paske li:
❌ Se fanmi yon responsab;
❌ Gen zanmi nan pouvwa;
❌ Fè pati yon gwoup politik;
❌ Bay lajan anba tab;
❌ Aksepte chantaj oswa fè sèvis pèsonèl.
Li dwe jwenn li selon:
✅ Fòmasyon li;
✅ Eksperyans li;
✅ Konpetans li;
✅ Entegrite li;
✅ Kapasite li pou dirije;
✅ Rezilta li kapab bay peyi a.
Merit pa vle di diplòm sèlman.
Se konesans, eksperyans, disiplin, entegrite ak kapasite pou bay bon rezilta.
Pou nou chanje sistèm nan, tout pòs piblik ta dwe:
➡️ Pibliye pou tout moun kapab wè yo;
➡️ Gen yon deskripsyon ak kritè ki klè;
➡️ Gen egzamen oswa entèvyou ki jis;
➡️ Evalye kandida yo sou menm baz;
➡️ Pibliye rezilta yo ak transparans;
➡️ Bay moun dwa pou konteste desizyon ki pa jis.
Menm pou yon minis oswa yon gwo responsab Leta, peyi a bezwen moun ki metrize domèn nan, ki gen entegrite, vizyon ak yon plan travay ki kapab evalye.
Yon pòs piblik se yon responsabilite pou sèvi peyi a. Se pa yon rekonpans pou zanmi, fanmi oswa patizan.
Se pa moun pa nou pou nou mete nan pòs. Se moun peyi a bezwen.
💬 Kesyon pou reflechi:
Èske ou deja wè yon moun konpetan pèdi yon opòtinite akoz favoritism, relasyon oswa patipri?
Pataje opinyon ou avèk respè. Ann pale pou nou kapab chanje sistèm nan.
✍🏾 Yon refleksyon Manbo Gessie Pauyo Sinsleis
#KiAyitiOuVlePouDemen
#MeritPaFavoritism
#PòsLaSeYonSèvis
#KonpetansPouAyiti
#TransparansPouAyiti
#AnnRebatiAyiti
#ManboGessiePauyoSinsleis